پرۆژەی ڕووناکی یان پرۆژەی بەبازرگانیکردنی کارەبا لەسەر گیرفانی بەتاڵی خەڵک!
پرۆژەکەی ناویان ناوە ڕوناکی بەبازرگانیکردنی کارەبایەو ڕوتاندنەوەی خەڵکە! پێشتر لەچەندین ڕێگەوە هەوڵیانداوە کارەبا بەبازرگانیی بکەن سەرکەوتوو نەبوون، لەئێستەدا پێیان وایە بەگرانکردنی کارەبا دەتوانن بەکارهێنانی کارەباکەم بکەنەوە تاکو کاتژمێرەکانی پێدانی کارەبا زیاد بکەن بۆ ٢٤ کاتژمێر بەڵام لەسەر گیرفانی خەڵک! ئەو خەڵکەی کەلە سێ مانگ دا یەک موچەی وەرگرتووە!
لەم نێوەندەدا خەڵکی بەگشتی زەرەرمەندە چونکە تاکو ئێستە کارەبا لەهەرێم تەنها بۆ ڕوناکی بەکارنایەت بەڵکو لەوەرزەکاندا بۆ گەرمکردنەوەو فێنکردنەوە بەکاردەهێنرێت، نەوت و غاز بەهاوڵاتی نادرێت بۆیە خەڵک بەدیلی کارەبای نیە تاکو کارەبا کەم بەکاربهێنێت.
خەڵک پێویست ناکات پارەی ئاوو کارەبا بەحکومەت بدات تاکو هیچ موچەیەکی پاشەکەوتکراوو پێنەدراوی پاکتاو دەبێت، حکومەت قەرزاری خەڵکە تا قەرزەکەی نەداتەوە مافی ئەوەی نیە داوای پارەی هیچ خزمەتگوزاریەکی لێ بکات.
هەر ئەم پرۆژە بوو کارەبای کارگەو بازاڕەکانی کرد بەبازرگانی و وایکردووە زۆر لە کارگەکان توشی داخستن بوون.
وێنەکە لەکەناڵی ئاسمانی پەیام وەرگیراوە، وێنەی یەکێک لەو گەڕەکانی شاری هەولێرە کە پرۆژەی بەبازرگانی کارەبای بەناوی ڕوناکی تێدا جێبەجێکراوە!